روژا 1/2، هه‌ڤبه‌ره‌ دگه‌ل سالروژا 1ێ شۆباتێ سالا 2004 کو دڤێ روژێدا،کریارا تیروریستییا دژ به‌ری گه‌لێت کوردستانێ رویدا و تێدا106 شه‌هید و هژماره‌کا زوریش بریندار بوین .دیروکا پڕ سه‌روه‌ریا بزاڤا رزگاریخازیا گه‌لێت کوردستانێ،ته‌ژی رویدان وسه‌ربورێت تال و نه خوشن. گه‌لێ کورد سه رباری کو ژلایێ کومه‌لگه ها جیهانی و وه‌لاتێت داگیر که‌رڤه‌ توشی ته‌ په‌ سه‌ری و سه‌رکوتکاریێ بویه،هه‌رگاڤ ب توندترین شێوه سه‌ره‌ده‌ری دگه‌ل هاتیه‌کرن،لێ چ جاران ل ره‌وشتێ بلندێ مروڤی و جوامیریێ خو ده‌رنه‌که‌فتیه‌و په‌نا بو کریارێت نامروڤانه‌و بێ ڕه وشتی نه‌ بریه بو بده‌ست خستنا مافێت خویێت ڕه‌وا ب تایبه‌تی دنێڤبه‌را شوڕه‌شا ئه‌یلول و گولان و ڕاپه‌رینێ ل باشورێ کوردستانێ، ئه‌ڤه‌ش بۆ وان بنه‌ما و تێگه‌هان ڤه‌دگه‌ریێت کو مروڤێ کورد ل باشورێ کورستانێ دچارچوڤێ هزره کا بلندا مروڤی دا هاتییه‌ په‌روه‌رده‌کرن کو ئه‌ویش رێبازا پیروزا بارزانی نه‌مره.ل به‌رامبه‌ریشدا ب به‌رده‌وامی هه‌ڤڕویشی کریاریت نامروڤانه و تراژیدی بویه‌ڤه‌ پێخه‌مه‌ت وازئینان ل مافێت خویێت ڕه‌وادا.

ئیک ل وان رویدانێت تراژیدی کاره‌ساتا ئێکی شوباتێ ل سالا 2004 ێ بوی کو ل هه‌ڤلێرا پایته‌خت ل ده‌مێ جه‌ژنه‌پیروز یێ ل هه‌ر دوو باره‌گایێت لقا2(پ.د.ک)و مه‌لبه‌ندا 3(ی.ن.ک)،هه ڤده‌م دوو ته‌قینه‌ڤێت مه‌زن ب کریارێت خوکوژیڤه‌ رویدان، ل ئه نجامدا 106 که‌س شه‌هید بوین و چه‌ندین که‌سیش بریندار بوین، دناڤ کوما شه‌هیدێت ڤێ کاره‌ساتێدا چه‌ندین که‌سایه‌تێیت ناڤدارێت کورد هه‌بوین ل وانه:شه‌هید سامی عبدالر‌‌‌‌‌‌حمان سکرتێرێ مه‌کته‌با سیاسی پارتی دیموکراتی کوردستان، شه‌هید شه‌وکه‌ت شێخ یه‌زدین وه‌زیرێ کاروبارێت ئه‌نجومه‌نێ وه‌زیران،شه هید (ئه‌کره‌م مه‌نتک) پارێزگارێ هه‌ڤلێرێ و شه‌هید مه‌هدی خوشناو (ج.پ. هه ڤلێر) و شه هیدێ ماموستا سه‌‌‌‌‌عد عبدالله ئه ندامێ کومیتا ناوه ندی(پ.د.ک) و ( محمود و عه مید نه ریمان) چه ندین که سێت دی ل لقا 2 پارتی شه هید بوین و شه هید شاخه وان عه باس، شه هید خه سره و شێره و شه هید به هروز قه‌شقه‌ و چه‌ند که‌سێت دی ژی ل مه‌لبه‌ندا (ی.ن.ک) دڤێ کریارێدا شه‌هید بوین .

ب تنێ چه‌ند مانگه‌ک ب سه‌ر رزگار بوینا عێراقێ ل دکتاتوریه‌تا به‌عسا هه‌ڕفتی تێپه‌ریبوی، ده ستپێکا سه ر ل نوی دامه‌زراندنه‌ڤا ده وله‌تا عێراقی و ڤه‌ژاندنا پرۆسێ سیاسی بوی ل به‌‌‌ ‌‌‌غداێی، سه‌رکردایه‌تیا سیاسی ل کوردستانێ خودان پێگه‌هه‌ک ب هێزو ڕوله‌ک ئه‌کتیڤ و سه‌ره کی بوی د سه‌رل نوی ئاڤا کرنه ڤا ‌‌‌‌‌حکومه‌تا عێراقێ و پیاده کرنا دیموکراسێی ل ڤی وه لاته ی.ل به‌رامبه‌ریشدا هه‌ول و بزاڤێت دوژمنێت ناڤخوییێ عێراقێ و ده‌رڤه ‌و وه‌ لاتێت هه‌رێمی بو تێکدانا بارێ ته‌ناهیی ل عێراقێ روژ بو روژێ زێده‌تر دبوین. ئه‌وان بزاڤ دکر کو ئارامترین ده‌ڤه‌ر ل عێراقا فیدڕالیدا کو هه‌رێما کوردستانێ بوی وه‌کی ده‌ڤه‌رێت دیتر لێ بکه‌ن و ئه‌و تایبه‌تمه‌ندی و ته‌ناهیا کو لێره‌ هه‌ی نه‌هێلن پێخه‌مه‌ت نه‌هێلا ناڤی کیانه‌ی ب پلا ئێکێ و سه‌ر نه‌که‌فتنا پرۆسێ دیموکراتیزه‌ کرنا عێراقێ و ته‌نانه‌ت روژ هه‌لاتا ناڤین ب پلا دوێ دێ،لێ خوشبه‌ختانه‌ ئه‌وان پیلان و نه‌خشه‌یان نه‌کاری ئامانجێت خو بده‌ستڤه‌ بینن.سه‌رکردایه‌تیا سیاسیا کوردستانێ ب پشته‌ڤانیا گه‌لێ خو و هۆشیاری و لێزانی سه‌ره‌ده‌ری دگه‌ل ڤێ رویدانێ و کاره‌ساتێ کر.

روژ بو روژێ رێزێت خه‌باتێ مۆکم تر کرن و هێز و پێگه‌هێ خویێ سیاسی پێخه‌مه‌ت رزگاریا گه‌لێ خو و ب هێز کرنا ئه‌زمونێ خو بکاری و چه‌ندین ده‌ستکه‌فتێت مه‌زن تومار کرن.106شه‌هیدێت قه‌هره‌مان ژی گه‌یشتنه‌ رێزا کاروانێ شه‌هیدێت کوردستانێ و ب سه‌ر بلندیڤه‌ به‌ره‌ڤ جیهانا هه‌ر ده‌می چوون.ناڤێ وان و یادا وان و خه‌با تاوان هه‌رده‌م جهێ شانازی هو سه‌رفرازیێ یه‌ بو که‌س و کارێت وان و ته‌ڤایا گه‌لێت کوردستانێ.

به‌رزو پیروز بیت یادا شه‌هیدێت کاره‌ساتا 1ێ شوباتێ.

هزاران سلاڤ ل گیانێ پاکژێ وان و ته‌ڤایا شه‌هیدان ب تایبه‌تی سه‌ر کاروانێ شه‌هیدان بارزانی نه‌مر و ئیدریسێ هه‌رده‌م ساخ.

Share this post