بە ئامادەبوونی ژمارەیەكی زۆری لاوانی دەڤەری بارزان ئاهەنگی 59 ساڵەی دامەزراندنی یەكێتی لاوان و قوتابیانی كوردستان لەلایەن ناوەندی باڵای بارزان سازكرا .

سەرەتای ئەم ئاهەنگە بە سرودی ئەی رەقیب و ساتێك هەستان بۆ رێزگرتن لە خوێنی شەهیدان دەستپێكرا . دواتر پەیڤی بەخێرهاتن لەلایەن بەرێز حسن بابكر بەرپرسی ناوەندی بالای بارزان پێشكەش كرا و كە لە درێژایی پەیڤەكەیدا داوای كرد لە ڕای گشتی بە تایبەتی لاوانی كوردستان لەبەرامبەر پاراستنی رەمز و سمبولی نەتەوایەتی كە خۆی لە وێنەی بارزانی نەمردا لە پەرلەمانی كوردستاندا دەبینێتەوە بێدەنگ نەبن و هەلوێست وەرگرن و هەروەها هەربەم بۆنەیەوە پەیڤێك لەلایەن بەرێز رەشید ملاعلی بەرپرسی لێژنەی ناوچەی بلێ پێشكەش كرا .

لە درێژایی ئەم ئاهەنگەدا چەند گورانیەك لەلایەن ئەحمد دیوالی پشكەش كران و لە دوایدا جلوبەرگی وەرزشی سەر (75) تیپی وەرزشی سنوری ناوەندی لاوان بارزان دابەشكران و چەند قوتابیەكی پلەی یەكەم لە لایەن لێژنەی ناوچەی بلێ خەلات كران .

Share this post