ل هەمی ئەوروپا ئەڤ دارە یا هەی. دارەكا جوانە كو 35 هەتا 40 مەترا بلند دبیت و ژیێ وێ هندەك جاران دگەتە 500 هەتا 2000 سالان.

قەدا وێ یا ستویرە و تویشكێ وێ یێ كەسك و لویسە، دارا وێ زورا باش و ب هێزە.

بەلگێت وێ د كەسكێ تاری و رونن، ل مانگێت 4 و 5 گولا ددەن، گولێت نێر شورڤە دبن و یێت مێ د پێكڤەنویسیایینە.

فێقیێ وێ یان بەرهەمێ وێ یێ هێلكەییە كو یێ دناڤ كولاڤەكێ رەق دا كو دبێژنێ (قەپویشك).

لدور ئخڤتنێت هندەك بسپورا تانن و ئەسید پیروگالیك و كاتشین و كورستین گرنگترین مادێت ناڤ بەرویێنە، بەلگێت وێ یێت نوی بو برینا زور د باشن و برینێ زوی چێڤەدكەن و ناهێلن گەشە بكەت.

هەروەتوڤ بەرێ وێ بو نەخوشیا زك ئێشان و زكچونێ ژی دهێتە ب كار ئینان.

بەروی ل زەمانێت كەڤن وەكی خارن دهاتە ب كار ئینان و خەلكی مفا لێوەردگرت كو خارنەكا خوش بویە و ب هێزبویە.

هەروەتوڤ وەكی ئالیكی ژی دهێتە ب كار ئینان و نویكەش دهێـتە ب كار ئینان و ددەنە گیانلەبەرا.

هەژی گوتنێیە كو سروشتێ كوردستانێ و ب تایبەتی دەڤەرا بارزان ژی یێ پرە ل ڤی دارا پرمفا و خەلك زور جاران بو ئالیكی ب كار دئینیت.

Share this post