دڤیت بزانین گەنج گرینگ ترین چینا جڤاكێ یە و هەر گەنجە كو دبێتە ئایندە بۆجڤاكەكا دەولەمەند و پێشكەتی، چونكی گەنج ب ئاڤاكەرێ جڤاكێ تێتە ناسین، گەنجاتی پرە كەد ناڤبەرا زارۆكینیێ و پیریێ داكو دبیتە ئەگەراخۆشیێ بۆ وی گەنجێ كوب جوانی ڤێ پرێ بخەملینیت واتە گەنج پێدڤیە مفایەكێ باش ل ژیێ گەنجاتیێ وەربگریت .

تازە گەنج یێ ل سەردەمێ زانست و تەكنولۆژیێ دژیت و دڤێت گەنج گرینگەیەكا زۆر ب دەسكەفت و مێژوویا خو بدەت زێدەتر خو دناڤ تەخێت كومەلگەهێدا بۆ ئاڤاكرنێ و پێشڤەبرنێ ببینیت، چونكی هەرگاڤ گەنجی رولەكێ سەرەكی یێ هەی بو چێكرنا ڤیانا جڤاكێ و دیاریكرنا جڤاكەكا رۆشنبیر .

گۆمان تێدا نییە كو ئەڤڕۆ ئاَلایێ كوردستانێ یێ بلندە ل وان سەربازگەهێت كو هەزاران گەنجێت كوردا تێدا هاتینە ئەشكەنجەدان و كۆشتن، ئەڤڕۆ كو ئاڤەدانكرن و دیموكراتیەت لە هەمی كوردستانێ بەرهەمێت ماندی بووینا هەزاران گەنجێت خوڕاگرو و شەهێدێت قەهرەمان و رێبازا پیروزا بارزانیێ نەمر بووینە .

پێتڤیە گەنج دەروونە كێ هوشیار بوخو چێكەت دا كو هەرگاڤ دەستخۆشێ ل وی گەنجی بیتە كرن نەك دناڤ كومەلگەهێ دا ب گەنجەكێ كێم و خراب هێڤكەنێ چونكی د ژیانا هەر گەنجەكی دا خۆشی و نەخۆشی دێ بنە هەڤالێت وی بەلێ تڤیا بشێت چارەسەرییا هەمی ئاریشێت خو ڤەببینێت .

پەندەكا كوردیا هەی دبێژیت : ( هەمی هەڤرازییە كی نێشڤێ یەك یێ هەی ) ویجا گەنجێت خۆ ِراگر نیشانێ نیشتیمان پەروەری و چكرنا ڤیانا رۆشنبیری و پیشكەڤتنا جڤاكێنە.

ئەگەر گەنجێ مە بێژیت تازە سەردەمێ چێكرنا ئاریشا یە ئەڤە ئەو گەنج بدەستێت خۆ یێ مالا خۆ خراب دكەت چونكی مالا مە یا ئێكی كوردستانە تڤیا وەكی بیلبیلا چاڤی خۆ بپارێزن . هەرێ بو چێ ؟گەنج مە ب چەند زمانەكا دێ دئاخڤن بەلێ زمانێ خۆ ل بیر دكەن وەكێ زمانی عەرەبی و فارسی و توركی كو ل هەر چار ئالیا دوژمینێت مەنە .

مەش دڤێت كو زمانێ مە ل هەمی جیهانێ گرنگی پێ بهێتە دان چونكی ئەمیش نەتەوەكین ل ڤێ جیهانێ .

پرسیارا من ئەڤەیە هەرێ هەمی عەرەب د ئامادەنە تنێ پەیڤەكا كوردی یانیش ناڤەكێ كوردی ل زارۆكێت خو دانین، هەتا كەنگی گەنجێ مە هایدارێ رەوشا وەلاتێ خو نابیت یانیش زاری ڤەكرنا نەتەوەیێت دەوروبەر و د كەت وكەلتوور و داب و نەرێتێ باب و كالێت خو ل بیر كەت .

هێڤیدارم كۆ هەمی گەنجێت مە بزاڤەكا ب هێز بكەن بۆ پیشڤەبرنا رۆشنبیرێ و گەشەسەندنا جڤاكەكێ كوردی ب جیهانێ بدەینە ناسین .

Share this post